Gwasanaeth Cymorth Ieuenctid

1. Y dibenion o ran defnyddio eich data personol

Bydd y wybodaeth rydym yn ei chasglu amdanoch yn cael ei defnyddio i gyflawni'r canlynol:

• Darparu ystod o wasanaethau cymorth ieuenctid yn seiliedig ar anghenion a nodwyd
• Paratoi ystod o asesiadau ac adroddiadau
• Diogelu eich hun a phobl eraill
• Diogelu'r cyhoedd

Nid ydym yn dibynnu ar eich caniatâd i rannu neu ddefnyddio gwybodaeth amdanoch at y dibenion hyn.

Mae hyn oherwydd bod gennym sail gyfreithiol ar gyfer prosesu data personol heb ganiatâd, gan fod yn rhaid i ni gydymffurfio â rhwymedigaethau cyfreithiol o dan Ddeddf Trosedd ac Anhrefn 1998 a Deddf Dysgu a Sgiliau 2000. Drwy ddarparu'r gwasanaeth hwn, rydym hefyd yn cyflawni tasg er budd y cyhoedd.

Rydym yn casglu ac yn defnyddio gwybodaeth am eich iechyd a data personol (sensitif) categori arbennig arall oherwydd bod angen i ni arfer swyddogaethau o dan y ddeddfwriaeth y cyfeiriwyd ati uchod. Rydym yn prosesu gwybodaeth ynghylch unrhyw gollfarnau troseddol am resymau sydd o fudd sylweddol i'r cyhoedd a hefyd ar sail y ddeddfwriaeth hon.

2. Pa fath o wybodaeth ydym yn ei defnyddio?

Rydym yn casglu'r mathau canlynol o ddata personol amdanoch er mwyn darparu'r gwasanaeth hwn:

• Enw
• Cyfeiriad
• Dyddiad geni
• Eich manylion cyswllt
• Eich dewis iaith
• Manylion cyflogaeth ac addysg, gan gynnwys anghenion addysgol arbennig
• Gwybodaeth gyswllt ar gyfer eich rhieni neu ofalwyr
• Cofnodion presenoldeb/cymryd rhan mewn gweithgareddau/digwyddiadau ieuenctid
• Delweddau/Ffotograffau
• Rhif Cyfeirnod Unigryw
• Eich Teulu
• Eich Amgylchiadau Cymdeithasol
• Eich Amgylchiadau Ariannol
• Eich Anghenion Tai
• Gwybodaeth feddygol ac iechyd perthnasol
• Rhywedd
• Eich Hil neu Gefndir Ethnig
• Gwybodaeth am eich bywyd rhywiol neu eich cyfeiriadedd rhywiol

Gwybodaeth am unrhyw gollfarnau troseddol a throseddau.

3. A ydym yn defnyddio gwybodaeth a gafwyd o ffynonellau eraill?

I ddarparu'r gwasanaeth hwn, rydym yn casglu'r wybodaeth yn uniongyrchol gennych ond hefyd yn derbyn gwybodaeth o'r ffynonellau canlynol, yn dibynnu ar eich amgylchiadau:

• Adrannau a gwasanaethau eraill y Cyngor sy'n ymwneud â chi
• Awdurdodau Lleol Eraill
• Ysgolion
• Y GIG a’r Bwrdd Iechyd Lleol
• Gyrfa Cymru
• Yr Adran Gwaith a Phensiynau/Darparwyr budd-daliadau
• Darparwyr gwaith a hyfforddiant
• Cymdeithasau Tai
• Y Llysoedd
• Gwasanaeth Prawf Cenedlaethol
• Yr Heddlu
• Gwasanaeth Erlyn y Goron
• Carchardai a Sefydliadau Troseddwyr Ifanc EM
• Cartrefi Plant Diogel
• Trafod a Sianelu
• Sefydliadau trydydd sector sy'n darparu gwasanaethau wedi'u targedu i blant, pobl ifanc a theuluoedd

4. Trosglwyddo eich gwybodaeth dramor

Rydym yn defnyddio Microsoft Office 365 i brosesu ein dogfennau electronig o dan delerau cytundeb caeth, sy'n diogelu eich gwybodaeth.  Caiff y data personol hwn ei gadw ar weinyddion y tu allan i'r DU, ond dim ond yng ngwledydd yr UE lle mae'r Rheoliad Cyffredinol ar Ddiogelu Data yn berthnasol.

Nid ydym yn trosglwyddo unrhyw wybodaeth arall amdanoch chi y tu allan i'r DU.

5. Pwy all weld eich gwybodaeth?

Rydym yn rhannu data personol dim ond pan fydd angen i ni wneud hynny ac ym mhob achos, rydym yn darparu cyn lleied o ddata ag sydd ei angen.

Byddwn yn rhannu eich gwybodaeth â'r canlynol, yn dibynnu ar eich amgylchiadau:

• Adrannau eraill y Cyngor, gan gynnwys timau Addysg, Tai a Gwaith Cymdeithasol
• Awdurdodau Lleol Eraill
• Y GIG a’r Bwrdd Iechyd Lleol
• Yr Heddlu
• Gwasanaeth Erlyn y Goron
• Y Llysoedd
• Carchardai a Sefydliadau Troseddwyr Ifanc EM
• Cartrefi Plant Diogel
• Darparwyr tai
• Darparwyr gwasanaeth cymorth tai
• Ysgolion a darparwyr addysg a hyfforddiant eraill
• Gwasanaeth Prawf Cenedlaethol
• Swyddfa Cyllid Ewropeaidd Cymru
• Colegau Addysg Bellach
• Cyflogwyr a darparwyr dysgu seiliedig ar waith
• Sefydliadau trydydd sector eraill sy'n cynnig gwasanaethau i blant, pobl ifanc a theuluoedd.

Mae rhai sefyllfaoedd penodol eraill lle mae'n bosibl y bydd yn rhaid i ni ddatgelu gwybodaeth amdanoch, er enghraifft:

• Pan fo'r gyfraith yn mynnu bod y Cyngor yn rhoi'r wybodaeth
• Pan fo angen datgelu'r wybodaeth i atal neu ddatrys trosedd
• Pan fo datgelu er budd pennaf y person dan sylw

6. Am ba hyd y byddwn yn cadw'ch gwybodaeth

Fel arfer, byddem yn cadw eich gwybodaeth am 25 mlynedd ar ôl eich dyddiad geni. Mae hyn yn unol â Chanllawiau'r Cyngor ar gyfer Cadw Gwybodaeth.

Fodd bynnag, oherwydd yr ymchwiliad annibynnol cenedlaethol parhaus i hanes camfanteisio'n rhywiol ar blant, ni chaniateir i ni ddinistrio cofnodion gofal cymdeithasol unrhyw blentyn ar hyn o bryd. Mae hyn yn cynnwys gwybodaeth rydym yn ei defnyddio mewn perthynas â Gwasanaethau Cymorth Ieuenctid.

7. Eich hawliau o ran Diogelu Data

Mae gennych hawl i:

• Weld y data personol y mae Cyngor Sir Caerfyrddin yn ei brosesu amdanoch
• Mynnu bod unrhyw wybodaeth anghywir neu anghyflawn yn cael ei chywiro
• Tynnu eich caniatâd i brosesu'r data yn ôl, lle mai dyna'r unig sail ar gyfer prosesu'r data
• Cyflwyno cŵyn i Swyddfa'r Comisiynydd Gwybodaeth, sef y corff annibynnol yn y Deyrnas Unedig sy'n diogelu hawliau o ran gwybodaeth

Mewn rhai amgylchiadau, gall fod gennych hawl i:

• Wrthwynebu bod eich gwybodaeth bersonol yn cael ei phrosesu
• Dileu eich data personol
• Rhoi cyfyngiadau ar brosesu eich gwybodaeth bersonol
• Hygludedd data

8. Manylion cyswllt

I gael rhagor o wybodaeth ynghylch yr hysbysiad preifatrwydd hwn a'ch hawliau, cysylltwch â'r:

Swyddog Diogelu Data
Cyngor Sir Caerfyrddin
Neuadd y Sir
Caerfyrddin
SA31 1JP

E-bost: dataprotection@sirgar.gov.uk

Mae'r manylion cyswllt ar gyfer Swyddfa'r Comisiynydd Gwybodaeth, ynghyd ag arweiniad pellach ynghylch deddfwriaeth Diogelu Data, ar gael ar wefan Swyddfa'r Comisiynydd Gwybodaeth.