Hysbysiadau Cyhoeddus

CYNGOR SIR CAERFYRDDIN, Neuadd y Sir, Rhiw’r Castell, Caerfyrddin, SA31 1JP

Hysbysir trwy hyn yn unol ag Adran 43 o Ddeddf Safonau a Threfniadaeth Ysgolion 2013 a'r Côd Trefniadaeth Ysgolion fod Cyngor Sir Caerfyrddin yn bwriadu peidio â chynnal Ysgol Gynradd Meidrim, Meidrim, Caerfyrddin, Sir Gaerfyrddin, SA33 5QN.  Cynhelir yr ysgol ar hyn o bryd gan Gyngor Sir Caerfyrddin.

Cynhaliodd y Cyngor gyfnod ymgynghori cyn penderfynu cyhoeddi'r cynnig hwn. Mae adroddiad ar yr ymgynghoriad sy'n cynnwys crynodeb o'r materion a godwyd gan ymgyngoreion, ymatebion y cynigwyr a barn Estyn ar gael ar dudalen ymgynghori Ysgol Meidrim ar wefan Cyngor Sir Gaerfyrddin.

Y bwriad yw rhoi'r cynnig ar waith ar y 31 Rhagfyr 2026.

Roedd yna 31 o ddisgyblion wedi cofrestru yn yr ysgol yn ystod pwynt cyfrifiad Ionawr 2025. Roedd yna 32 o ddisgyblion wedi cofrestru yn yr ysgol yn ystod pwynt cyfrifiad Ionawr 2026.

O 1 Ionawr 2027, cynigir i ddisgyblion fynychu Ysgol Griffith Jones, Heol yr Orsaf, San Clêr, Sir Gaerfyrddin, SA33 4BT neu Ysgol Hafodwenog, Trelech, Caerfyrddin, Sir Gaerfyrddin, SA33 6RU yn dibynnu ar ddewis rhieni a threfniadau derbyn y Cyngor.

Ysgol gynradd gymunedol Dwy Ffrwd (categori 3,2) yw Ysgol Griffith Jones.

Ysgol gynradd gymunedol cyfrwng Cymraeg (categori 3) yw Ysgol Hafodwenog.

Cynigir bod dalgylch Ysgol Gynradd Meidrim o 1 Ionawr 2027, yn cael ei ailddynodi a'i gynnwys yn nalgylchoedd presennol Ysgol Griffith Jones, Heol yr Orsaf, San Clêr, Sir Gaerfyrddin, SA33 4BT ac Ysgol Bancyfelin, Bancyfelin, Caerfyrddin, Sir Gaerfyrddin, SA33 5ND.

Ysgol gynradd gymunedol cyfrwng Cymraeg (categori 3) yw Ysgol Bancyfelin.

Mae gan rieni hawl i fynegi dewis am unrhyw ysgol o'u dewis gan gynnwys Ysgol Hafodwennog, yn amodol ar drefniadau derbyn y Cyngor. Sylwer, os penderfynir cau Ysgol Meidrim, bydd unrhyw gais am le ysgol yn cael ei gynorthwyo drwy ddewis ysgol o fewn y dalgylchoedd diwygiedig perthnasol.

Ni fydd angen cymryd unrhyw gamau eraill i gynyddu nifer y lleoedd. 

Bydd cludiant ar gael yn unol â Pholisi Cludiant Ysgolion Cyngor Sir Gaerfyrddin. Yn enwedig, bydd disgyblion cymwys sy'n mynychu eu hysgol agosaf addas neu'r ysgol a nodwyd gan y Awdurdod yn derbyn cludiant am ddim os ydynt yn byw y tu hwnt i'r pellter cerdded statudol.

Bydd y trefniadau o ran trosglwyddo i'r ysgol uwchradd yn aros fel y maent ar hyn o bryd.

Ystyrir mae gweithredu’r cynnig i beidio â chynnal Ysgol Gynradd Meidrim yw’r ymateb mwyaf priodol i fynd i’r afael â’r rhesymau a nodwyd wrth lunio’r cynnig oherwydd y ffactorau canlynol:

• Mae nifer sylweddol o leoedd gwag yn Ysgol Gynradd Meidrim oherwydd y gostyngiad parhaus yn y niferoedd dros nifer o flynyddoedd ac mai dim ond 32 o ddisgyblion oedd wedi’u cofrestru yn yr ysgol yn ystod pwynt cyfrifiad Ionawr 2026.
• Mae’r amcangyfrifon ar gyfer niferoedd disgyblion yn parhau’n isel ar gyfer yr ysgol.
• Mae’r ysgol yn gweithredu mewn sefyllfa o ddiffyg cyllidebol, a byddai gweithredu’r cynnig yn atal y sefyllfa hon rhag dirywio ymhellach.
• Cyfran cyllideb yr ysgol fesul myfyriwr yw £6,544 Mae hyn £1,191 yn uwch na chyfartaledd ysgolion cynradd Cyngor Sir Gaerfyrddin o £5,973 ar gyfer 2026–27.
• Mae’n cefnogi Egwyddorion Ôl Troed Addysg Gynradd Cyngor Sir Gaerfyrddin.

Cyfnod Gwrthwynebu

Cyn pen 28 diwrnod ar ôl dyddiad cyhoeddi'r cynnig hwn, hynny yw erbyn 14 Gorffennaf 2026 gall unrhyw berson wrthwynebu'r cynnig hwn. Dylid cyflwyno gwrthwynebiadau drwy:

• Gwblhau’r arolwg ar-lein
• Danfon e-bost at RhMYYmgynghoriadau@sirgar.gov.uk
• Neu danfon llythyr at Mr Owain Lloyd, Cyfarwyddwr Addysg a Hamdden, Cyngor Sir Caerfyrddin, Neuadd y Sir, Caerfyrddin, SA31 1JP

Llofnodwyd:  Mr Owain Lloyd

Mr Owain Lloyd, Cyfarwyddwr Addysg a Hamdden ar ran Cyngor Sir Caerfyrddin

Dyddiad: 16 Mehefin 2026

NODYN ESBONIADOL

(Nid yw’r Nodyn Esboniadol hwn yn rhan o’r Hysbysiad – yn hytrach fe'i cynigir er 
mwyn cynyddu eglurder)

1. Bwriad yr Awdurdod yw rhoi’r gorau i gynnal Ysgol Gynradd Meidrim ar y 31 Rhagfyr 2026, ac i wneud darpariaeth i’r disgyblion hynny sy’n byw yn nalgylch presennol yr ysgol honno fynychu Ysgol Griffith Jones neu Ysgol Hafodwenog. 
2. Cynigir bod dalgylchoedd Ysgol Griffith Jones ac Ysgol Bancyfelin o 1 Ionawr 2027, yn cael ei ymestyn i gynnwys dalgylch presennol Ysgol Gynradd Meidrim.  
3. Mae Ysgol Griffith Jones yn ysgol gymunedol Dwy Ffrwd ar gyfer disgyblion 3-11 oed. Capasiti’r ysgol ar gyfer 2026/27 yw 320 ac mae’r Nifer Derbyn yn 40.
4. Mae Ysgol Hafodwenog yn ysgol gymunedol cyfrwng Cymraeg ar gyfer disgyblion 4–11 oed. Capasiti’r ysgol ar gyfer 2026/27 yw 86 ac mae’r Nifer Derbyn yn 10.
5. Mae'r polisi presennol ar gyfer cludiant o'r cartref i'r ysgol yn cadarnhau y bydd cymorth â chludiant yn cael ei roi gan yr Awdurdod i ddisgyblion sy'n bodloni pob un o'r meini prawf canlynol:-
       (a)     o oedran ysgol gorfodol;
       (b)     yn mynychu'r ysgol agosaf neu'r ysgol a ddynodwyd gan yr Awdurdod Lleol; ac
       (c)     yn byw mwy na'r pellter cerdded statudol o'r ysgol, sef 2 filltir.
6. Yn unol â pholisi derbyn yr Awdurdod Lleol, mae gan rieni'r hawl i wneud cais am dderbyniad (neu gais trosglwyddo) i unrhyw ysgol.